Kòman m ka jwenn yon avoka imigrasyon ?
Li enpòtan anpil pou w di avoka byennèt timoun pa w, responsab dosye w, ak jij la ke w ta renmen jwenn èd pou konprann opsyon imigrasyon w yo. Nan kèk sikonstans, yo gen dwa kapab ede w jwenn yon avoka oubyen tribinal la gen dwa egzije leta a pou l ba w yon avoka imigrasyon. Gade resous sa yo pi ba pou ede w jwenn yon avoka imigrasyon:
- Immigration Advocates Network (ONG)
- Lis Founisè Sèvis Legal Gratis de Depatman Lajistis
- AILA Find a Lawyer (li enkli avoka prive ki pa gratis)
Avantaj nan genyen yon avoka (bwat tèks oswa tablo)
- Kòman pou w konnen w gen yon vre avoka (mande nimewo ba li a) epi verifye sou sit wèb ba eta pa w la.
- Mande avoka a pou l esplike konfidansyalite w epi kòman li pral pwoteje enfòmasyon w yo.
- Avoka a ka ede w asire ke dwa w yo pwoteje nan sistèm imigrasyon an.
- Ou ka pale ak avoka w la konsènan opsyon w genyen oswa kesyon w yo, tankou :
- Kòman m ka jwenn estati imigrasyon mwen oswa pyès idantite mwen ?
- Ki opsyon m genyen ?
- Avantaj/dezavantaj chak opsyon.
- Konbyen tan chak opsyon ap pran.
- Ki kalite prèv ki nesesè ?
- Pwobabilite reyisit.
- Nan ki degrè Avoka a konnen opsyon sa a pou kalite pwosè pa w oswa peyi pa w ?
- Ki enpak, si l gen youn, sou aksè w pou jwenn avantaj piblik ?
- Ki enpak, si l gen youn, sou manm fanmi w yo ?
- Èske m ka ede manm fanmi m yo ?
- Èske solisyon sa a ta va fè w elijib pou w mande yon pyès idantite, yon kat travay oswa yon nimewo Sekirite Sosyal ?
