Tèminoloji Imigrasyon Komen

Etranje

Yon moun ki pa yon sitwayen de peyi Etazini.

San dokiman

Yon moun ki pa gen yon estati imigrasyon oswa ki pa gen prèv de estati imigrasyon pa yo.

Timoun

Nan domenn imigrasyon, ou konsidere kòm yon timoun si w gen mwens ke 21 an epi w pa marye. Ou toujou konsidere kòm yon timoun, menm si w gen pwòp pitit pa w, toutotan ou gen mwens ke 21 an.

Nimewo « A » (tankou lèt A)

Yo pral ba w yon bagay ki rele yon « Nimewo A » oswa yon « Nimewo Etranje » ki pral sèvi pou idantifye w pandan w nan sistèm imigrasyon an. Ou pral oblije konnen nimewo sa a jiskaske ou vin yon sitwayen. Ou ka jwenn nimewo sa a sou dokiman imigrasyon w yo. Li gen nèf chif epi l kòmanse ak lèt « A » a. Pa egzanp, A 123-456-789.

Avoka imigrasyon

Lè w nan tribinal imigrasyon an, ou gen dwa pou w gen yon avoka, men leta a pa oblije peye avoka a pou w. Gen resous ki egziste ki pou ede w jwenn yon avoka gratis[1]. Si w gen yon avoka, se li ki pral reprezante w pandan pwosè imigrasyon w. Avoka pa w pral esplike w ki opsyon ou genyen pou w rete Ozetazini epi ki dwa ou genyen. Travay avoka pa w se pou l travay pou w epi goumen pou dwa w yo nan pwosè imigrasyon w.  Enfòmasyon ou pataje ak avoka w la konfidansyèl, ki vle di li pa gen dwa pataje l ak lòt moun sòf si w aksepte pou l pataje enfòmasyon yo.

Dokiman

Dokiman ki montre ou gen dwa pou w rete Ozetazini legalman oswa w ap travay pou w atenn yon prezans legal oswa yon estati legal.

Ajisteman estati

Sa a rive lè yon moun ki pa sitwayen resevwa yon kat vè oswa li vin yon Rezidan Pèmanan Legal (LPR).

Rezidan Pèmanan Legal (LPR)

Otreman nou konn rele sa yon « detantè kat vè. » Sa a pa yon estati pèmanan. Nan pifò ka, ou ka mande sitwayènte aprè w posede yon kat vè pandan 5 an, si w gen plis pase 18 an. Nòmalman, kat vè yo valab pandan 10 an, men peryòd validite a gen dwa pi kout, tankou 2 zan. Lè w gen yon kat vè, sa a ede w jwenn plis avantaj leta tankou asirans sante paske w « kalifye » anba kèk lwa federal byen detèmine. Anplis sa a, ou ka itilize estati w kòm LPR/detantè kat vè pou mande yon estati pou kèk manm byen detèmine nan fanmi w.

Timoun pa akonpanye (UC)

Si w te rive Ozetazini san manman w ni papa w, menm si w te vwayaje ak lòt fanmi, oubyen si w te nan yon abri pou timoun imigran ki fè pati sistèm Biwo Re-enstalasyon Refijye yo (ORR), ou konsidere kòm yon Timoun Non-Akonpanye epi w gen dwa kalifye pou kèk pwoteksyon espesyal anba lalwa a.

Derive oswa benefisyè

Sa yo se moun tankou paran w, frè w ak sè w, ak pitit ou yo, ki gen dwa benefisye de estati imigrasyon w, pa egzanp yo ka resevwa yon kat vè oubyen yon kat travay tou.  Ou ka pale ak avoka imigrasyon w sou sa a.

USCIS

United States Citizenship & Immigration Service (Sèvis Sitwayènte ak Imigrasyon Etazini).  Sa a se ajans ki anndan Depatman Sekirite Domestik (Departmen of Homeland Security, DHS) ki jere petisyon imigrasyon.

EOIR

Biwo Egzekitif pou Evalyasyon Imigrasyon (Executive Office of Immigration Review) se yon ajans leta ki anndan Depatman Lajistis (Department of Justice, DOJ) ki jere pwosè imigrasyon nan tribinal. Tribinal imigrasyon an konn rele « pwosè ranvwa » oswa « pwosè depòtasyon. »

CBP

Customs and Border Protection (Ladwàn ak Pwoteksyon Fwontyè). Sa a se ajans ki anndan Depatman Sekirite Domestik la (DHS) ki kontwole fwontyè yo, ayewopò yo ak pò maritim yo. Yo ka arete moun ki nan yon zòn ki sitye mwens pase 161 kilomèt ak fwontyè peyi a, ki vle di nan tout eta Florid la.

ICE

Immigration & Customs Enforcement (Kontwòl Imigrasyon ak Ladwàn).  Sa a se ajans ki anndan Depatman Sekirite Domestik (DHS) ki jere randevou verifikasyon imigrasyon, arestasyon, detansyon ak depòtasyon pou tout granmoun ak fanmi.

ORR

Office of Refugee Resettlement (Biwo Re-Enstalasyon Refijye).  Sa a se yon ajans ki anndan Depatman Lasante ak sèvis Imen (Department of Health and Human Services, DHHS). Travay pa yo se pou deside kikote w pral rete si w se yon timoun non-akonpanye (UC).

DHS

Depatman Sekirite Nasyonal. Pifò ajans imigrasyon yo, ak kèk eksepsyon, tonbe anba otorite DHS.

DOJ

Depatman Jistis. Tribinal imigrasyon an opere anba otorite DOJ.